دكتور عبدالرحمن حشيش بجد شعارك حقيقي هتلاقي معاه حرفياً ” متعه الفيزياء ” في شرحه للمعلومة وفي توصيله ليها وفي اسلوب تحفيظه لينا القوانين بكل سهولة
اثر شرحه باقي معانا حتى في الجامعه ومش بنسى ابداً وقفته جنبي ورده على اسئلتي بعد حتى ما دخلت الكليه
ربنا يزيده و يباركله على كل التعب الـ تعبه معانا

دكتور عبدالرحمن حقيقي .. اكتر حد ممكن يسهلك المعلومة و يحفظك القوانين من قبل ما تمشي
و أصعب الدروس اللي بتقابل الطلبة برا بتكون مع الدكتور ماشية و معدية بإذن الله (:
حقيقي كان بنسبلنا أخونا الكبير مش بس المستر بتاعنا ربنا يجازيه كل خير على تعبه معانا و يباركله

(Professor/Abdalrhman Hashish ) هو مكنش مجرد مدرس هو كان أكتر من كدا بكتير بالنسبة لينا كان أخ و صديق قريب مننا جدا في كل وقت , كان مصدر تشجيع و أمل لينا كلنا , كان دايما يقولنا هتوصلوا مفيش حاجة بتقف “ماشية ؟ماشية ومعدية بإذن الله” حاجات كتير أو نفسي أتكلم عنها و ذكريات جميلة جدا طول ال ٣ سنين , اه أنا كنت مع المستر ف اولى و تانية , قفلت ف ١ و٢ث و ٣ث نقصت درجتين اخدتهم ف التظلم , بالنسبة لطريقة شرحه كانت بتعجبني جدا إزاي الموضوع إللي كله بيقول عليه صعب و معقد هوكان ليه طريقة واتنين وتلاته نحل بيهم الحاجات دي و كلهم أسهل من بعض , كان دايما بيحسسنا إن مفيش حاجة صعبة ” افهم ثم احفظ تجاوب باستمتاع” الجُمل بتاعته لايمكن أنساها و دايما بترن ف وداني , ربنا يكرمه ويزيده علم نفع الله بك أستاذي الفاضل , و أخيرا أحب أشكره جداً جداً واحب أقوله إن الخير إللي أنا فيه دلوقت هو من أكبر الاسباب فيه

ببدا كلامى بشكر كبير لدكتور عبدالرحمن , حقيقى ربنا يكرمو فعلا معاكو دكتور بجد متميز و حمدالله بسبب دعمو قدرت ابقى متفوقه ف الفيزيا كل الناس كانت بتقول دى ماده صعبه بس لا بجد انا كنت شايفه انها ماده سهله جدا او بمعنى اصح الدكتور كان عارف يوصل المعلومه لينا بشكل ابسط و كان محببنا ف الفيزيا بسبب شرحه , حقيقى انا بشكره فعلا على كل تعبه و عمرى بجد مـ هنسى فضلو عليا بعد ربنا , وعايزه اقول حاجه لكل الطلبه بجد متقولش انها صعبه بالعكس انتو خدو الفيزيا زى اللعبه بالظبط امشى خطوه خطوه و هتوصل للحل متعقدوش الدنيا و بعدين انتو مش معاكو اى حد انتو معاكو دكتور عبدالرحمن حشيش لحد دلوقتي كل م افتكر الدكتور بجد بدعيله

دكتور عبدالرحمن حشيش كان دايما بيقولنا جملة بما معاناها ان لازم المكان اللي تمشي فيه تسيب فيه أثر , و ما أجمل الأثر اللي دكتورنا تركه فينا, يمكن أنا شخصية مكنتش بحب الفيزيا نهائياً , بس حقيقي من اول محاضرة حضرتها مع الدكتور خلاني تقريباً ماذكرش طول فترة الثانوية غير فيزيا من حبي ليها ,حقيقي كان بيبسط المعلومة لينا و كان يفهمنا اساس كل حاجة و أسسنا من أول السنة صح , والحمدلله بفضل ربنا ثم دكتور عبدالرحمن دخلت هندسة و ما زلت بحل و بذاكر من كتب الدكتور في الجامعة و بجد الحاجة الوحيدة اللي ممكن اي طالب يكون خسرها أنه يكون عدا من الثانوية العامة و مخدش فيزيا مع دكتور عبدالرحمن حشيش .. دُمت لنا خير المعلم